【Kelly Online】長輩勸阻小孩玩食物 其父：唔應該阻佢自由發展

讓小朋友按照自己的喜好發展當然非常好，但基本的是非黑白都要正確灌輸給他們才對。近日有網民在Facebook專頁《生仔要考牌系列》投稿，指自己在一間酒樓做侍應，有次有一家老幼來吃飯，其中有一名約3、4歲的小朋友。

樓主稱：「個細路食完碗麵竟然將啲湯倒來倒去，仲把吃剩的麵逐條麵拿出來放枱上曬太陽咁，又把酒樓的小碟花生倒來倒去，還企在bb 椅上跳，但他的家長沒有阻止。」當時同行的一名女長輩出言制止，着小朋友「唔好咁玩，坐返好！」，誰知其父竟然反過來教訓老人家稱：「個小朋友要自由發展，唔應該阻止佢做任何野！」

樓主最後大呻「其實做侍應好慘，要幫你哋執手尾， 這些污糟不是唔小心，而係人為的！」，還表示可憐了老人家，好心教育小朋友，卻反被教訓。網民看過帖文，紛紛留言表示：「自由發展同無的放矢兩樣嘢嚟囉」、「俾佢自由發展唔緊要，但做人父母既唔該善後... 執番好哂至好走」、「自由發展唔代表佢可以無矩規」，也有網民表示，這正正是人們常說「一代不如一代」的原因。