去得太盡聲帶出問題 漢洋順利完騷執返身彩

漢洋於旺角麥花臣場館舉行的一連三場演唱會昨晚完滿結束，人緣甚佳的漢洋，邀請到不少圈內圈外朋友上台合唱，當中包括主打嘉賓小雪、譚嘉荃、肥媽、黑妹及吳國敬等；最後他獻唱周華健歌曲《朋友》作結，更即場邀請圈中好友冼國林、陳榮峻及太吳香倫、古明華及李霖恩等上台大合唱，場面墟冚。

完騷後受訪，漢洋笑指自己「執返身彩」，他解釋頭場去得太盡，第二日聲帶已出現了問題。他笑說：「今日把聲仲驚！我臨急抱佛腳，叫修女幫我祈禱，佢今年已經80歲，平時佢都唔出嚟。我講過如果大步檻過，要感謝主。今晚去到最後已經放膽去唱，三晚之中最滿意今晚。」他再次感激圈中好友到場支持，坦言嘉賓多得有點難以編排流程。談到第二晚，近年多次傳出婚變的洪欣有到場支持，可有慰問近況？他說：「無啊！從來唔問呢啲嘢。」可會再開唱？漢洋透露往後工作已排得密密麻麻，要開電影及音樂等，故未有計劃再開唱。