【維港會】宜家傢俬新太陽能LED燈 網民：聞西原來去咗Ikea做

宜家傢俬最近推出太陽能LED燈，更在其Facebook專頁發圖文打廣告，相中配上「我，是一盞太陽能枱燈，請不要嘲笑我。」，令人不禁聯想到電影《國產凌凌漆》中的太陽能電筒，有網民更笑言「聞西原來去咗Ikea做」！

宜家傢俬發圖文推廣新推出的太陽能LED燈電筒，更鬼馬地留言：「我唔係你哋諗緊嗰啲乜乜太陽能電筒呀⋯我唔需要長期擺出戶外，或者畀太陽照住，都一樣發到光！因為我身上嘅太陽能板，可以將日光轉換成電力，就算到夜晚，一樣可以為你帶嚟光明～」

帖文引來不少網民搞笑地留言，有人就聯想到電影《國產凌凌漆》中的聞西，笑言「聞西原來去咗Ikea做」，有人就大讚宜家傢俬的市場推廣做得出色，「Good Marketing 👍🏻👍🏻有無集10種家電於一身，攞你命4000」，而宜家傢俬小編就幽默地回應：「大少，你記錯嘞，十種家電於一身係百變⭐️君丫」！有人就留言「聞西！國家終於有任務比你拉」，宜家傢俬小編亦搞笑地回應，「阿柒，唔好氣餒，你都要好好保養你把刀🔪，機會永遠係留畀有準備嘅豬肉佬🐷」！