【維港會】松鼠狗搭商場電梯慘遭夾傷腳 網民轟狗主欠常識

狗主帶愛犬外出時應注意安全，有網民見到，一隻松鼠狗被將軍澳彩明商場扶手電梯夾住，動彈不得，狀甚可憐。

網民Kathy Chuang在Facebook群組「將軍澳」發相，見到一隻松鼠狗站立在商場扶手電梯梯級上夾住，腳部夾傷，一臉無奈驚恐，而主人則用手安撫。網民稱「隻狗狗好可憐呀😭😭個主人可能拎住兩大袋嘢無手抱住隻狗狗先會有咁嘅意外。」警員及消防員接報到場，最終救出松鼠狗，但松鼠狗腳部流血，不排除有截肢需要，有待獸醫檢查。

網民紛紛批評，狗主粗心大意，指搭電梯要抱起狗隻是常識，「應該要抱隻狗係手」、「唸都唸到要抱住啦，其實我見好多人都係咁，真係好容易夾住嫁……」。有網民為狗感到可憐，「狗狗一定好痛」、「明知商場仲要唔手抱，夾到佢痛又唔係你，隻狗好慘！」。

建立時間：1520
更新時間：1550