幫男友集氣考專業醫生試 馮盈盈：唔合格就冇機會做老公

馮盈盈以一身型格Look出席活動，剛從荷蘭拍攝節目《荷蘭好玩》回港的她，直指當地風景好靚，拍了幾千張相供她每晚放到社交網站「曬相」。問當中可有性感相？她笑言：「係骨子裏嗰種性感，我們（與麥明詩）有到當地夜店體驗夜生活，亦有同一位從事幾十年性工作者的妓女做訪問，令我眼界同包容都開放咗好多。」

問到可有艷遇？盈盈笑言與男友「寶寶」保持密切聯絡，雖然荷蘭靚仔很多，但卻沒有心動，笑說：「好多都190cm高，大家係不同的eye-level，我高攀不起呀。」盈盈早前在《娛樂大家》公開指會叫男友做「老公」，她笑言是一個較甜蜜的稱呼，但暫不會正式成為老公，她笑說：「未正式呀，佢下星期有一個專業醫生資格試要考，若果唔合格就冇機會，希望大家幫佢集氣啦。（以醫生太太為目標？）希望佢以馮盈盈老公為目標囉，咁講好似有啲自大。」