夾首期搬入男友新居同居 馮盈盈：間屋無我個名

馮盈盈擔任護膚品牌活動嘉賓，為配合產地更以一身韓風打扮亮相。談到現場硬撼韓籍女KOL，馮盈盈突然變得淑女起來，說：「係啊，所以今日韓風打扮。聽日新劇《極度怪咖》正式開工，開始培養劇中千金小姐、淑女性格。」問到會否不習慣？她說：「唔會，我真正性格氣質就好似寒風中嘅蘭花咁。（男友點睇？）佢就最高興，因為佢嘅理想伴侶，一直係想小鳥依人同女性化。佢叫我最好24小時投入，咁就唔會成日鬧佢。（上次鬧交係幾時？）噚日！」
馮盈盈透露是為到男友新居裝修事宜嗌交，是否即將正式成為女屋主？她說：「點會呢，間屋無我個名。但係我有嘢要澄清，首期我有份夾，我真係『絕世好女友』嚟！」她坦言完成裝修後會搬進新居，正式展開跟男友的同居生活。（攝影：朱偉彥）