夾公仔3次搞掂 古巨基向粉絲傳授秘技

近期非常流行夾公仔，就連古巨基（基仔）最近飛到韓國，見到一部夾公仔機，都忍不住要玩，最後夾了3次更成功夾到個公仔，基仔還表示：「500won（圜）一次，3次1500won（圜），即唔使港幣10蚊達成」。

基仔在IG分享夾公仔時的影片之餘，還傳授粉絲們夾公仔的秘技：「第一夾試下個爪到底有冇力有冇比人調鬆；尚算有力嘅爪，對於景品比較輕嘅毛公仔會比較有利；這次我選擇喺公仔頭落手係因為公仔重量重心在頭，如果抓下半身會很容易甩爪；最後一拑公仔經已倒臥洞邊，呢次反而不妨抓下半身，夾到半空個頭重心一跌，入洞嘍！」

玩完夾公仔當然要找地方醫肚呢！而基仔就叫大家「留言提議我去邊間餐廳食飯，邊個提議最正嘅餐廳我就送個公仔俾你」，見偶像出動到「誘餌」，一眾粉絲當然非常踴躍留言啦！