【三年抱兩】39歲胡杏兒宣布再度懷孕：豬寶寶終於加入

39歲的胡杏兒與老公李乘德（Phil）結婚後，前年誕下囝囝李奕霆（Brendan）。杏兒日前出席活動時，身形圓潤孕味濃，被問到是否再懷孕？她直言希望生豬BB，並表示努力中。結果她今日在社交平台宣布再度懷孕，留言：「豬寶寶終於加入，李氏農場可以開張了！」杏兒宣佈喜訊前，Phil亦已表示囝囝很快有新玩伴，正式公佈杏兒再佗B。

杏兒上載了兩張照片，其中一張是超聲波相，但BB的頭則換成「豬頭」，十分搞笑；另一張則是她與囝囝Brendan玩的照片，見Brendan指住媽媽的孕肚，似乎很期待細佬／妹出世。

杏兒回應時表示：「真係好開心！生到豬BB ，真係湊夠開農場。上次佗住Brendan又係開緊工，今次佗住BB又係拍緊劇，可能BB旺媽咪工作，想陪住我開工，但今次拍到2月尾就完成拍攝了，所以還好，只是今次孕吐感覺比較強烈，成日無乜胃口。」

她又說：「拍完劇集後就應該會留在香港，既可多些時間陪伴Brendan，又可繼續接一些輕鬆而又應付得來的工作。最後，亦係最緊要、最想就係BB健康同平安！多謝大家祝福。」