【靠自己】傳Raymond賣聯名物業畀贍養費 蔡宛珊：一蚊都冇收

姚子羚早前被指戀上人夫Raymond，與「大婆」中印模特兒蔡宛珊（Sarika）及另一「小三」陷入「四角關係」，子羚早前現身交代事件，強調與Raymond認識時對方是單身，兩人相戀半年已分手，絕對不是搶人老公。

不過近日有報道指Raymond於去年售出與前妻蔡宛珊銅鑼灣的聯名物業，用來付前妻的贍養費，而蔡宛珊就以個人名義，豪擲逾1200萬，購入跑馬地單位自住。

對於外間的報道，蔡宛珊在社交網站發長文解釋，她指自己16歲入行做模特兒，2007年認識Raymond和拍拖，三年後兩人夾份於銅鑼灣置業作為結婚的安樂窩。而兩人於2011年結婚，「一直以來我哋都係公一份婆一份，後來大家因為生活同value 上開始出現分歧，加上其他種種原因，2017年我鼓起最大嘅勇氣提出分居。」她形容決定離婚是艱難的事，又感謝家人朋友的支持，「要分開呢個決定係我人生中最艱難同最艱苦嘅事。過去嘅兩年我真係過得好辛苦，感恩我身邊有家人同朋友嘅支持，陪我渡過難關。」

離婚後，蔡宛珊搬回家中生活，但因為不想影響家人生活，所以將兩人的物業賣出，「2018年，我決定將我哋聯名嘅物業賣出，之後分返一人一半，我就用咗嗰筆錢，加上自己嘅積蓄，去買入我現居跑馬地嘅單位。」談到贍養費問題，她指未有要求對方支付贍養費，因為她相信可以靠自己養活自己，「至於贍養費方面，我同Raymond都協議我係象徵式一蚊都唔會收。因為我相信我可以靠我自己嘅能力去過我自己嘅生活，而且亦都唔想為佢帶嚟負擔。」

蔡宛珊續指作為女人要面對生活和供樓有點吃力，不過仍然努力工作。她續指與Raymond的這段感情已過去，更令她變得更堅強。她又表示自己目前單身，更強調沒有從放棄愛情，「我，單身，並不代表要倚靠其他人，而我從沒放棄相信愛情。」最後，她亦為姚子羚和事件裏牽涉的所有人送上祝福。