親爆牀照外洩內情 姚子羚：我都係一個受害者　

姚子羚（Elaine）前日突被指戀上人夫Raymond，陷入「四角關係」，子羚其後現身交代事件，強調與Raymond認識時對方是單身，兩人相戀半年已分手，並非搶人老公。姚子羚在最新一期《東周刊》獨家剖白，稱向男方提出分手後，她與對方的牀照「湊巧」便流出，她沒料到與前男友在泰國蜜遊時的牀照，會被人公開「一定有人故意咁做，想去影響我......其實我都係一個受害者！」

現年38歲的姚子羚，自去年3月與拍拖4年的男友鄭子邦分手後，經朋友介紹，邂逅現年41歲的失婚男、Dragon-i前董事Raymond Young。據《東周刊》引述密友指，Raymond隨即展開熱烈追求，他亦向姚坦承與前妻蔡宛珊分居中，並正辦理離婚手續。密友憶述「去年10月，Elaine去泰國拍攝新劇《黃金有罪》時，Raymond為冧女友，於是飛到當地探班，令到Elaine驚喜。兩個熱戀中嘅男女，溫馨浪漫完，Raymond咪趁Elaine未瞓醒，偷影張牀照囉。」

最近姚子羚向Raymond提出分手，事有湊巧，她與對方的親密牀照，亦隨即被流出。姚子羚向《東周刊》表示，身為公眾人物，拍拖時低調，甚少影相，有諗過牀照點解會流出，但不深究遭何人陷害。「首先我唔會預料，我哋嘅親密照片會流出去任何一個公開嘅地方。因為呢啲都係我哋嘅私隱，幾好嘅朋友都唔會公開，結果發生咗；一定有啲人，故意做啲嘢，而想去影響我......其實我都係一個受害者。」她強調：「牀照係我唔知嘅情況下被偷拍，當時我瞓緊覺，有着衫。」

對於外間盛傳可能有她與Raymond的情慾片流出，她非常鎮定「冇同佢有影過任何情慾照，冇AV啦，肯定冇嘅！」問到會否擔心被偷拍？她說：「如果我被偷拍，唔理邊個做，某程度上我係一個受害者......如果去到呢個moment，我都希望傳媒幫我講句公道說話。」