【維港會】奔喪職員復工帶杯奶茶 上司窒：都唔知攞假係咪真

無事生非？有網民在Facebook在Facebook「奴工處」發文投訴，稱一名為祖父奔喪的同事復工當日帶上杯奶茶，遭到上司窒「都唔知攞假係咪真」。

事主稱，最近有位同事的爺爺剛剛去世，「佢返嚟個日食晏買咗杯珍珠奶茶返公司」，結果遭上司挖苦「有心情買珍珠奶茶，都唔知你之前攞假係唔係咪講真話」。事主形容，「係旁邊默默工作嘅我都呆咗」。

一眾網民都不認同上司講法，指「 呀爺死左=唔可以飲珍珠奶茶，Goodest logic」、「駛唔駛頭帶白花，日日哭喪咁面口返工對住你？」、「呢個上司希望第日佢屋企人死嗰陣，可以做到茶飯不思啦！」。

面對冷嘲熱諷，更有人還以顔色，稱「我以前媽咪死後我的dept head 話我腳頭唔好，叫我自己辭職。最後被我搞到佢同我一齊辭職，我仲遲佢一日走。」。