【維港會】上水捉棋黨圖呃伯伯錢 勇敢市民無懼恐嚇出言相助

近年，騙徒以各種手法騙財的事件不時發生，而且目標亦多以長者為主。有網民昨日在網上發文，指自己在上水目擊一群「捉棋黨」，以一名伯伯為目標，並帶他到銀行提款。他擔心伯伯受騙，因此出言阻止，卻遭對方恐嚇。

該網民昨日在Facebook群組「North District 北區」發文，指自己正前往上水火車站時，在天橋目擊「有個公公被『專才』搭雞棚捉棋黨天仙局屈，仲夾佢去銀行撳兩萬出來」。樓主擔心伯伯受騙，隨即出言阻止。誰料，其中一名白衣男子竟指，「唔好多事，做乜攞電話出嚟影相，之後凶我」。樓主直言，「睇住個公公入天仙局，同埋作為香港人，冇理由畀佢哋食住上」，並指他其後大聲喝止對方，最終成功令他們離開。

不少網民其後紛紛留言，並大讚他的行為，指「謝謝你的勇敢，見義勇為」、「做得好，感謝你見義勇為救咗伯伯」、「好彩有樓主出口相助，唔洗老人家被人屈錢」等。另外，亦有人慨嘆，指「點解香港變成咁...？」樓主其後亦有留言，指「我真係唔係乜嘢英雄或者有勇氣，當時我都好淆底嘅，但嗰一刻只知道，係要做一個人有嘅良知要出聲的上水友。」