沙田早晨│葉楚航真心錫一駒
2024-11-04 00:00 
葉廄剛戰大舉出擊卻無功而回，當中包括鎮倉寶「大至尊」更三甲不入，成績如此失禮，航哥當然不感滿意，亦因此今朝督操分外積極，多次走去機坪主持大局，其中對「可愛新星」最着緊，航哥不止走去機坪接馬，仲落埋手拉隻馬去到大閘口，其他戰駒卻未有以上待遇。 
葉楚航今朝督操分外積極，多次走去機坪主持大局，其中對「可愛新星」最着緊。
「博望坡」聲仔威哥好傾
要數季內最驚喜騎師，霍宏聲必定榜上有名，只出賽六十六次，已有九場頭馬斬獲，除了騎功愈見紮實，另一原因是晨課更見勤力。好似今朝早於五點四十分就出現，也是最早到場的外籍騎師，而之後試「博望坡」極具睇頭，事關空檔時段，聲仔走去烽火台搵呂健威傾談。 
霍宏聲今朝早於五點四十分就出現，之後試「博望坡」極具睇頭，事關空檔時段，聲仔走去烽火台搵呂健威傾談。
關鍵字
最新回應