亨利拆局│練馬師王吼方嘉柏

今晚舉行季內首次全泥夜賽，自然要參考上季數據。回顧上季跑過四次全泥宴，其中兩次開24分，其餘兩次分別開28分和34分，門檻非常低，當中以黎昭昇兩度封王最威水，不過佢今期出馬得三匹，博佢起孖實在太高風險。

再數其餘馬房，其實方嘉柏上季曾在全泥賽奪34分封王，即使其餘三次全泥夜賽無緣登上寶座，但都見佢連場攻勢，除了擅長打谷戰之外，顯然泥地亦是方仔的拿手好戲，今期佢出馬多達七匹，而且多駒有坐位望贏實力，練馬師王預期是熱門都要捧場。

主力方面，「加非凡」密密出賽終於減夠分落班，今次較啱時間瞄準勝途，最有希望攞12分。「歡喜福星」、「精彩動力」、「喜至寶」都是泥地好手，擺明是互相配合而來。「果然得」泥地性能未有證明，不過近兩仗跑田草蝕快步速都入Q，計級數居此組有超然感。「日日獎」上仗臨時拉伕配湯普新亦贏馬，狀態當銳升班亦有機。

目標：方嘉柏

賠率：3.85

全日惡馬  第四場：加非凡 

練馬師王最佳投注時機：第一場前