亨利拆局│練馬師王吼韋達

今季練馬師王有一怪現象，就是沙田賽事跑十場，分數次次偏低，沈集成在開鑼奪34分已經最叻；反觀谷草三次都跑八場，分數卻開出34、36、46。換言之，要在谷草封王的最低門檻是2W2P，難度比沙田大得多！

環看今期各倉布陣，伍鵬志八路興兵子彈充足，基本因素最好，此外巫、方各出七匹，廖、姚、韋也有六駒，計數量都夠資格逐鹿中原。而經歷上次谷戰方仔高分封王，相信今晚佢會備受注視，形成賠率偏熱。基於以小博大原則，今次我想嘗試冷敲韋達，但在我心目中，佢有力爭分的棋子只得四匹，希望統統得手！

重心方面，我認為「光輝所願」最有條件攞十二分，上仗既蝕步速又蝕跑法，能追回亞軍已交足功課有凸，五歲處女馬一定心急交代，趁勇必再拼！「飛躍凱旋」上仗直路初刻意兜出外疊衝刺，試馬味道濃郁；「皇帝英明」上仗可能是弱組，但今次降班兼配布文，即時下風變上風！

目標：韋達

賠率：9.0

全日惡馬  第五場：光輝所願  

練馬師王最佳投注時機：第二場前