內圈捕影│「 年年友福」火旺力勁

大多戰駒今朝均到內圈加課，勇馬甚多，精彩鏡頭一個接一個。

「年年友福」助手踱一圈，步伐穩健力度充沛，馬身收得好靚，神態活躍火旺力勁，今季狀態來得快。「極速之子」助手踱一圈，唔急唔搶，口勁收斂不少，力度增強馬身收得靚，出腳開揚有力，表現不俗。「天天耍樂」助手踱一圈，步活如輪神采奕奕，力度充足暗火展現，馬身實淨毛色悅目，進度理想。

「北地烈馬」助手踱一圈，表現收斂汗濕唔多，跑姿順暢落腳輕巧，馬身亦收得好壯，早熟馬漸入佳境。「駿先生」黃寶妮踱一圈，全程彈下彈下，充滿活力好生猛，馬身收得結實，出腳步大輕巧有勁，充滿朝氣不遜勝時。「都靈星球」助手踱一圈，唔急唔搶氣定神閒，馬身好結實，毛色悅目金光閃閃，上火上力大有進展。「神虎龍駒」助手踱一圈，走勢硬朗步挺開揚，細馬身紮實外觀好睇，正值勇境。

「初戀」助手踱一圈，淡淡定走過，情緒越來越好，步挺爽勁彈力足夠，態況不斷冒升。「加州德至」助手踱一圈，大馬身收得好靚無肥態，出腳步大有勁，朝氣勃勃。「凱旋時光」助手踱一圈，全程試來充滿活力，神色吸引，外觀靚絕，論態極之省鏡。

謝鋒