卡爾心水│「勝萬金」落班翻生

中秋佳節就金多寶，追月就谷草夜馬，連續兩日好似觀音開庫咁。六合彩卡爾就無貼士畀大家，谷草夜馬呢，卡爾幾好心水，真係唔使搵黃大仙、唔洗搵車公喇！

第四場「勝萬金」初出到依家卡爾一直跟進，點知跑咗十鋪八鋪，連一個P都無。跑咗咁多場，隻馬到依家都只係四歲，呢鋪落埋五班，潘頓肯騎，排個五檔，應可鹹魚翻生！只要出閘肯放，入到直路睇吓頂到幾多，今次係出頭良機。之前夾夾埋埋做咗咁多鋪善事，呢鋪我終於見到觀音衫尾喇！

最強對手要數「飛躍凱旋」，遊完一輪馬河回師首本，必須重視。佳節流流，點都要搵番啲燈籠錢，呢鋪「勝萬金」搭「飛躍凱旋」連贏位置Q，有本嘅不妨要埋頭場「日馳千里」，祝大家追月快樂！

第一場    3    日馳千里    5    精彩駿將    9    精明選擇
第四場    4    勝萬金    10    飛躍凱旋    3    華麗活力