B女心水│「常拼常勇」標尾會
2024-07-13 00:00 
第二場二班千二米，我就鍾意「美麗第一」。雖然佢兩次贏馬都在谷草建功，不過賽績顯示亦合沙田發揮，而且兩戰田草千二都入位，絕對有根有據。今次有幸排二檔起步，跑法可以更添彈性，出閘後視乎對手而採取不同策略，最理想當然是守住包廂位，相信亦不難辦到，潘頓騎慣騎熟，一定懂得發揮。
第八場一班千六米，我嘅心水係「常拼常勇」。今季轉投姚廄勁奪三場頭馬，七歲馬比起年輕時更弗更勁，明顯是輝哥摸通竅門，馬房招牌省得靚靚！今次縮程跑一哩可能稍為嫌短，不過早前休息兩個月，體力方面應較對手充裕，再經上仗復出開一開氣，有權標尾會兼捧盃！
第二場：7美麗第一、2韋小寶、5龍之輝
第八場：9常拼常勇、4禪勝輝煌、7增有
關鍵字
最新回應