亨利拆局│練馬師王吼葉楚航

呂、伍大戰來到最終回合，今日威哥精兵盡出，全世界都虎視眈眈，練馬師王未開飛已註定熱透；雖然伍廄整體兵力相對失色，但並非只得捱打，畢竟練馬師王講求搏殺夠準，萬一威哥連場二二三三，隨時伍鵬志兩W就搞掂佢。

若果練馬師王嘗試攻擊威哥，則選擇範圍便有好幾個，伍鵬志固然是其一，起碼鬥志無疑問。扒冷門我屬意葉楚航，佢今期陣容隱隱晦晦，其實除了練馬師王，也適合單場賭細W大P，決定頭場開跑前落注。

第一場「佳景臨門」前仗配潘頓走位靚，但埋門略受干擾而提早收工，否則可能有P。第六場「天天得樂」近兩季煞科都有上陣，卻博極得個近字，上仗蝕三疊都衝近，今次排檔轉佳有權標尾會。第七場「好精神」連場排大外檔，上仗留後更蝕埋慢步速，結果都追得似樣，今次排一檔博佢有利可圖。第九場「大才」前仗輸四身位，能力已見盡，不過今仗勝在對手少，或有機爭P。

目標：葉楚航

賠率：40

全日惡馬 第六場：天天得樂

練馬師王最佳投注時機：第一場前