容兄二重奏│「妙算高歌」強組出品

大狀老Mic知回港，估唔到第一時間唔係問我馬事，反而係問我幾時帶佢兩公婆過韓國走番轉執吓個樣。佢話其實香港好多人都想執一執，但嫌貴同怕唔夠專業，如果去韓國做就信心大好多。事實上，人家專業唔在講，成間醫院都做醫美，客人由早上九點到六點不停進出，最好笑是細至十六歲左右，老至七十歲都做，加上韓國的價錢只是香港的四分一，真是包埋機票、住宿都平過香港。
咁究竟醫學美容是做D咩呢，基本上包括皮膚護理、注射療法、塑形手術同埋身體塑形。香港人最怕是咩？就是怕人發現你去整容，咁香港人鐘意做咩？下期再講。

第六場四班千六米，「妙算高歌」出自強組157，此組馬匹其後共取得十一W，當中包括「球星」、「占士德」、「全神貫注」等駒。而上場「妙算高歌」大部分途程走大外疊沒有遮擋，當吸收經驗，廖康銘季尾並無放軟手腳，可以做冷膽。配腳揀「傳承者」、「大利好運」及上次後上不及的「勝意」。

第七場三班千四米，「同得威」插班初出，個人認為此駒質素必值八十分以上，且看進度能否趕上，周俊樂一一九磅都肯造，可見重視有加，希望可幫助丁師傅上岸。「陽光勇士」新勝猶勇，今季已三捷乃前駒的最大對手。「誠好運」馬主今日多駒列陣，強配潘頓，必有所圖。

容兄二重彩投注：

第六場    11    妙算高歌        
拖    6    勝意    7    傳承者
    8    大利好運        
   複式馬膽（共6注）
第七場    12    同得威        
    3    陽光勇士    10    誠好運
　複式（共6注）