沙田早晨│米高鄭緊張兩戰馬
2024-06-27 00:00 
鄭俊偉已贏夠數上岸，但未有絲毫怠慢跡象，今朝繼續駛出一貫出擊手法，安排獨一無二的三駒拍跳，而當中「晴王」和「友盈友福」都是今次參戰馬，前駒鞍上人希威森；後駒由楊明綸試，出跳時米高好緊張，留守欄邊睇到實，之後又走去機坪鞍兩位鞍上人傾談大計。 
「晴王」(外) 和「友盈友福」(內) 今朝由希威森及楊明綸出試。
「皇龍帝國」「高氣派」搶鏡
同樣贏夠數仲有徐雨石，看回歸日出馬多達七匹，佔去總兵力達四份一，出擊心意不問可知。尤其一對五班馬「皇龍帝國」同「高氣派」最要留意，一來今朝齊齊進行拍跳，備戰既辣且同樣走勢唔錯；二來是出跳之前石哥跟住兩駒從馬房出來，到了課後又再跟佢哋返倉。 
石哥一對五班馬「皇龍帝國」(內 )同「高氣派」(外)，今朝齊齊進行拍跳，備戰既辣且同樣走勢唔錯。
關鍵字
最新回應