亨利拆局│練馬師王吼告東尼

呂健威與伍鵬志鬥到火紅火綠，冠軍寶座照計非此即彼。不過，暫居三、四位的告東尼和姚本輝雖然遙遙落後，但二人近日輪流發功，似乎有心逐鹿中原。尤其東廄今次出馬十三匹，一來陣容強大，二來逾半有近績支持，部署唔似湊熱鬧，若果有幸贏番三、四場，冠軍大戰便有戲好睇，我信告仔應會盡力一試，今期練馬師王一於捧佢，第二場前落注！

第一場「讓愛高飛」上仗確認是強組，因氣管多痰才輸遠，唯一顧慮是又跌磅。第二場「柏林探戈」贏馬後繼續試閘催谷，反映未有收爐打算，七歲老馬趁勇用盡也是合理部署。第四場「八駿笑昇」賽績顯示是谷草馬，但昔日跑田草連番落第，可能只因狀態未到位，長途馬既然已上力，轉戰沙田切勿輕視。第八場「加州星球」由香港贏到杜拜，氣勢如虹，跑三級賽負頂磅也惡氣十足。第十場「競駿先鋒」上仗贏馬全靠一檔貼欄順放，今次排五檔未必有同一際遇，但初出即勝始終要尊重。

目標：告東尼

賠率：2.6

全日惡馬  第二場：柏林探戈

練馬師王最佳投注時機：第二場前