亨利拆局│練馬師王吼鄭俊偉

 今期練馬師王的局勢偏向平均，雖然好幾個馬房都出馬眾多，其中賀、伍、羅、姚各有八至九駒，但普遍馬匹可爭欠穩。既然都是博博下，其實鄭俊偉今次忽然強陣，似乎有備而來，唔敢奢望佢一日三W搞掂畢業證書，但絕對有條件衝擊練馬師王，第五場前落注應有較佳分頭。

第一場「威力飛彈」連場輸遠，上仗二疊跟前都入Q，看來居五班有點着數，今次休息充足，若場地利放就有計。第五場「龍之珍」初跑千八未知長力能否應付，前仗遇場地不利追，上仗蝕三疊轉彎，兩次遇逆境都輸近，布文肯連騎三次頗不尋常，唔敢睇小。

第七場「晴王」千六是最佳出路，上仗休出跑千四熱身性能都追得好，今次唯一顧憂是希威森移情「喜蓮勇略」，但改配布文不失戰鬥力，依然可取。第八場「機緣醉夢」最大障礙是排十四檔，但既然前仗蝕三疊都衝近，現居四班有優越感。第九場「愛馬善」跑田草千二準繩，即使沒有冠軍相，仍有望入位幫手爭分。

目標：鄭俊偉

賠率：8.5

全日惡馬 第七場：晴王 

練馬師王最佳投注時機：第五場前

緊貼最新最快新聞資訊，請立即下載星島頭條App：https://bit.ly/3Q29Vow