B女心水│「同祥和順」扶搖直上

第四場四班千二米，我就鍾意「鑽石星空」。佢今季三戰持續進步，先是初出跑第五，熱身後翌仗即拼入Q，上仗更加贏馬而回，進度來得非常理想。講開上仗，佢沿途走二疊與內側「輝煌精英」拍住順放，到最後一百米開始彈甩後駒，最終輕勝一乘許，觀乎姿態明顯大把在手。即使今仗要負頂磅，但憑藉一檔之利，相信可以再次一放到底。
第九場三班千二米，我嘅心水係「同祥和順」。佢前仗大勝五個多馬位，結果換來被加十二分，可能年幼馬需時消化，再者升上三班初遇強手，所以上仗成熱倒灶，未能確定里程止步。事實上，上仗屈居其後的「駿奕快車」再出已補中，賽事水準頗有保證，本身一席季軍已交足功課。經此考驗與適應之後，今次捲土重來必有進步表現，可期扶搖直上。

第四場：1鑽石星空、8輝煌精英、5哈羅威
第九場：4同祥和順、5時尚風趣、3愛馬善

緊貼最新最快新聞資訊，請立即下載《星島頭條》App：https://bit.ly/3Q29Vow