沙田早晨│阿黎對兩駒特別重視
2024-05-13 00:00
黎昭昇對上兩個月只贏得一場頭馬,今次出馬多達九匹,亦係出馬最多練馬師,擺出一副搏殺格,自然有留意必要。尤其「極速滿貫」和「超威力」今朝出跳時充滿搏殺動靜,當時阿黎一貫跟出跟入,課後趕落隧道底接馬,之後向鞍上人追問,最後仲跟住兩駒走到馬房閘口。 課後黎昭昇趕落隧道底接「極速滿貫」和「超威力」,之後向鞍上人追問,最後仲跟住兩駒走到馬房閘口。
「馬上旺」阿廖唔肯放手
廖康銘對上一次贏馬已數到四月二十日「昇瀧駒」,決心打破悶局,今次出馬多達五匹必思進取。其中最要留意「馬上旺」,今朝由見習學員出跳時候,阿廖特意走到會員席看台督操,睇完之後不止匆匆趕到機坪接馬,當時更落埋手拖馬,直至拉到去馬房閘口才肯放手。 「馬上旺」今朝由見習學員出跳時候, 廖康銘特意走到會員席看台督操。
緊貼最新最快新聞資訊,請立即下載星島頭條App:https://bit.ly/3Q29Vow
關鍵字
最新回應