B女心水│「錶之五知」條件着數

第七場四班千四米，我就鍾意「艾莉奧」。佢今季演出極準繩，尤其最近六仗俱獲獎金，北半球馬盡顯大熟大勇。雖然上仗名次倒退只得第五，但全程被頂三疊而輸兩個幾身位，論表現絕不失禮！今次改配黃智弘獲減七磅，排五檔亦較上仗理想，由於對手並無快馬，預期應可搶出順放，隨時就此一放到底！
第八場三級賽二千四百米，我嘅心水係「錶之五知」。佢今季八戰雖未贏馬，但能交出兩亞兩季，證明六歲馬仍有戰鬥力。今次角逐皇太后盃最講究氣量，本身是上屆遮打盃季軍馬，路程性態絕對不用懷疑。今場由於「將王」在陣，令佢可負一一八磅輕飄飄上陣，而且不必蝕分，可謂賺盡優勢，坐位望贏應不難辦到。

第七場：4艾莉奧、1大千眼界、8勇霸龍
第八場：4錶之五知、3多巴先生、9嘉應傳承

緊貼最新最快新聞資訊，請立即下載《星島頭條》App：https://bit.ly/3Q29Vow