亨利拆局│練馬師王吼羅富全

最近蘇偉賢和葉楚航都發力輪流上岸，羅富全沒有護級壓力，然而今季表現確失威。但留意近期賽事，原來全哥打疊連贏三日，臨到季尾終於追落後，配合今日成手惡馬，練馬師王一於博佢！

第一場「聖托里尼」上仗相對「超力量」蝕跑線，結果落後一身位過終點，由於本身是北半球馬，開熱後有權反先後駒。第四場「明亮天下」上仗走位無誤仍被頭二馬拋離，敗績無可抵賴，但畢竟初跑二千考驗氣量，能衝贏路程專家「發財秘笈」已收貨，羅廄當銳馬要繼續吼實。第五場「天天同樂」連課試閘都不費力，無論從化草閘或沙田泥閘都彈離輕勝，插四班實屬過客。

第九場「凱旋時光」先前跑同程獲一冠兩亞，都是轉彎走生位，上仗直路初移入內疊取位，發揮有疑點，希望潘頓再騎會做齣好戲。第十一場「誠好運」上仗段速水準極平庸，但初跑千四兼排大外檔，孭頂磅都可後發先至，今次升班換來負磅驟減，對這匹細粒馬有利無害。

目標：羅富全

賠率：2.35

全日惡馬  第五場：天天同樂

練馬師王最佳投注時機：頭場前

緊貼最新最快新聞資訊，請立即下載星島頭條App：https://bit.ly/3Q29Vow