內圈捕影│「多利彩駒」步大有勁

由於大多戰駒都做最後試跑，故今朝到內圈出試不太多。

「多利彩駒」助手踱一圈，姿態從容不逼，出腳步大有勁，馬身依舊好靚，狀態已經操勇。「常拼常勇」助手踱一圈，馬身壯到不得了，試來神生步爽充滿霸氣，狀態勇銳。

「福國寶」助手踱一圈，步姿爽朗彈力亦足，毛色油潤好悅目，馬身比前粗壯好多，狀態去番最佳時候。「特別美麗」助手踱一圈，試來精神爽利，步順輕快又有彈力，馬身保持壯健，極具好感。

八心之威神生步爽

「飲杯」助手踱一圈，唔急唔搶氣定神閒，馬身好實淨現線條美，暗火展現雙目有神，唞夠操足弗到震。「八心之威」助手踱一圈，神生步爽充滿朝氣，馬身收得好靚，勇態保持有餘。

「八心之威」馬身收得好靚，勇態保持有餘。

 
「無敵勇士」助手踱一圈，大隻仔身壯如牛，神態對辦力度未減，毛色油潤唔淡色，保持上佳水準。「今朝更好」助手踱一圈，淡淡定走過，情緒大有改善，神采奕奕展現朝氣，外觀又省鏡。

「滿冠熊」助手踱一圈，大馬完全唔重身，步姿爽朗且彈力十足，馬身收得好靚，狀態比贏馬時更吸引。「型到爆」助手踱一圈，一貫躍躍欲試，火氣旺盛神態生猛，馬身唔瘦夠結實，狀態及鋒而試。

謝鋒

緊貼最新最快新聞資訊，請立即下載星島頭條App：https://bit.ly/3Q29Vow