B女心水│「黃腳鱲」跨季再勝

第七場三班千四米，我揀「黃腳鱲」做重心。此駒上季九戰未甩獎金，而且田草、谷草或泥地都難佢唔到，性能非常全面。回看756場次，佢早段跟前走得輕鬆，轉彎時開始沿二疊加速上前，直路初透出後越衝越順，最終大勝三個幾馬位，姿態猶如大超班！近期見佢試泥閘保持佳態，今場升班換來負磅減輕，計落並不蝕底，大有機會跨季再開勝門。配腳我揀「旗幟鬥士」同「勇敢夢想」。

第八場四班千四米，我最鍾意「赤免猴王」。佢上季跑同程獲一冠一亞，證明路有專長。近期試閘見佢頗有急躁，不過全程走勢有前有後，現況算是對辦，外觀亦討好。今場只要早段取位順利，論實力有權爭取頭馬。配腳我揀「堅又威」同「滿歡笑」。

第七場：9黃腳鱲、1旗幟鬥士、2勇敢夢想

第八場：2赤免猴王、1堅又威、5滿歡笑

立即下載 | 全新《星島頭條》APP : https://bit.ly/3yLrgYZ