亨利拆局│練馬師王吼呂健威

剛周日黃昏賽，呂健威奪兩贏三位兼獲封練馬師王，優異成績令人喜出望外，並且完成連贏七日之壯舉，時值季尾未有放軟手腳，馬房鬥志高昂值得重視。

今次呂廄出馬只得六匹，陣容不算鼎盛，甚至計質量都較希斯或告東尼比下去，不過威哥近期馬運亨通，勝纜一日未斷都難睇小，若果好彩又起個孖，練馬師王就有胡叫。

第三場「威威鬥士」今季跑谷草一哩獲冠亞各一，事後更證實228場次屬強組，照計五歲馬沒理由就此見盡。事實上，前仗落第可歸咎步速太慢，上仗是全場唯一走三疊之馬兼望空，當然今仗排七檔不算靚，但初戴眼罩流露善意，若能佔得二疊就有機。第一場「善財到喇」上仗突然走近，很大程度是賺了跟前順走，但對比過往算有進步，希望能幫手攞分。

第二場「精算其然」上仗休息僅三星期縮落千二亦差點得手，無疑當晚場地大利放頭，不過本身所造段速前快後快，一席亞軍仍值得尊重。第四場「果然僥倖」兩戰走勢皆平平無奇，今次勝在有轉倉概念。第九場「傑出漢子」無論前置或後追都勝任，表示有分在手。

目標：呂健威

賠率：11

立即下載 | 全新《星島頭條》APP : https://bit.ly/3yLrgYZ