楊駿數據│黎昭昇潘頓合作穩步上揚

季初提起黎昭昇，你會覺得佢好神秘，因為伍鵬志不斷派馬出賽，佢依然按兵不動，以香港馬圈即食文化，呢個舉動實在罕有；到十月「旋里多彩」用黃俊啡格贏馬，你會覺得佢係高人；其後一堆新馬初出全部唔得，亦開始有馬轉走，你又會諗「佢係咪下一個麥菲文？」，嗰種現實同跟紅頂白，就係香港馬圈！

如果回帶黎昭昇暑期接受訪問，佢話十二月先馬匹先開始入局，現在睇返又無講錯，馬房現在十五場頭馬，十二仗於十二月打後取得。馬房暫時贏馬最多係潘頓，二人暫時合作廿二次，取得六冠兩亞兩季，勝出率27.3%，上名率45.4%，當中十二月往後合作十四次，取得六冠一亞兩季，勝出率及上名率大幅上升至42.9%及64.3%。除「陸知」及「極速滿貫」，全部跑入前四名！

本夜賽二人合作頭場「創福威」及第七場「亞洲籐王」，成績可否持續高企？

楊駿

黎昭昇潘頓今季合作成績。

立即下載 | 全新《星島頭條》APP : https://bit.ly/3yLrgYZ