亨利拆局│練馬師王再吼方嘉柏

上期蔡廄頭場串Q，練馬師王一下子奪十八分，我當堂嚇一跳，幸好方嘉柏全晚大出擊，連場無W有P，終於食埋尾胡登上寶座。
今次環看各倉牌面，以容家軍陣容最似樣，而且多駒扳用潘頓，未跑已先聲奪人。不過如上期所講，投注練馬師王我傾向作風較正氣的大馬房，再者預計方嘉柏分頭不俗，希望今次繼續揀佢是正確決定。

方嘉柏今期六駒列陣，兵力並非最多，但不少都具冠軍相，有權連場取得十二分。例如第四場「晨曦英雄」，上仗在無欄無命的田B抄二疊轉彎，看見貼欄的「生生勝勝」竟大勝一條街，更令我覺得前駒蝕到入肉，今次換蘇兆輝無損戰鬥力，有望開齋。第十場「喜旺駒」上仗中斷勝纜，主因是初跑千六有難度，其次頭二馬再出俱勝，對手實力也太強，優點無謂多講，誠是尾場三甲分子。

其餘馬匹，「喜傲龍」上仗留後遇超慢步速兼遲望空才搏失；「電訊飛彈」上仗走位一絕卻只得梗頸四，博佢熱身後有進步；「飛輪鑽皇」轉泥地盼出現奇蹟；「巴薩諾瓦」千二好過一千，只是泥地性能未明，不敢睇小。

目標：方嘉柏

賠率：10

立即下載 | 全新《星島頭條》APP : https://bit.ly/3yLrgYZ