亨利拆局│練馬師王吼羅富全

 羅富全與蔡約翰暫時成績落後大市，前者得一場頭馬，後者尚未開齋，二人都貫徹慢熱作風。其實兩倉在上季爭奪冠軍寶座，廄內馬匹皆消耗不少，所以今季初稍作回氣亦屬正常。但隨着賽事踏入第五回合，今期全哥突然出馬十匹，陣容似模似樣，而且普遍是上季用得較少的新兵，部署似是互相配合而來，有條件連場數胡，封王呼聲最高。

今期羅廄惡馬如雲，頭號爭分目標是第六場「順勢而飛」。此駒上季初出跑谷草一千，賽前未嘗渡江試閘，結果全程走三疊亦得亞軍，再睇頭馬「宜春輝煌」翌仗再贏，本身已顯露質高早熟一面。今季轉四歲只會更好，按上仗沿途二疊望空都得季軍的水準推算，今次休出縮程具惡氣。

第七場「年少有威」上仗埋門成次熱門，票數反映大戶睇好，早段跟前遇超快步速，亦堅持至最後五十才被頭馬追過，居四班實屬過客，有力扶搖直上。冷門方面，第四場「幸運旅程」已作開氣程序，上仗直路中段明明大勢已去，鞍上人仍持續抽鞭至最後一步，舉動似在省馬。今次降班兼排一檔，配鍾易禮又獲減十磅，一路奇兵也！

目標：羅富全
賠率：2.5

立即下載 | 全新《星島頭條》APP : https://bit.ly/3yLrgYZ