勁得手步順爽勁

昨朝出跳馬好多，相對在內圈出試馬較少，但仍不乏勇馬。

「好運寶馬」助手踱一圈，擔高頭走樣子神氣，步順力雄火氣充裕，試閘省過後已見好，近況弗到震。「香音」助手踱一圈，慣性儀仗馬拉出圈，開步後好順暢，跨步開揚，弱馬近期操得，火氣亦見好。

「平海掌星」助手踱一圈，從容完成整個過程，出腳爽貫注力足，馬身收實無肥態，操足予人好感。

「果然友」助手踱兩圈，步挺開揚又有彈力，馬身壯健且毛色有光澤，火氣亦唔錯，觀感不遜贏馬時。「協進神駒」助手踱一圈，愈來愈放鬆，汗濕唔多夠乾身，神態專注目光集中，步伐穩健力度又夠。

「印水紙」助手踱一圈，試來精神爽利，步順輕巧神態暢旺，暗火展現馬身靚，試閘見好踏上正軌。

「勁力十足」助手踱一圈，運步如輪神采奕奕，力度充沛暗火展現，馬身一早收靚，狀態在最佳水準。「勁得手」助手踱兩圈，大大步輕鬆完成，步順爽勁力度唔錯，肉身馬唔肥唔重身，近況好對辦。

「合金之星」助手踱一圈，運步如輪豎起雙耳，神生步爽充滿朝氣，出腳力度亦足，觀感了不起。

「會展達人」助手踱一圈，馬身粗壯，毛色立立靚，翻步急密有力，最吸引向來懶性極重，今課試來甚有朝氣。