「勇創派對」力度充足

大多參戰馬昨朝到內圈出試，有甚多勇馬出現。

「勇創派對」助手踱一圈，輕描淡寫完成，試來神態自若，馬身收得好靚，出腳力度充足，保持好進度之馬，極具好感。

「幸福人民」助手踱一圈，唔急唔搶，口勁收斂不少，力度增強馬身收靚，神采奕奕，狀態已在勇境。

「閃電精靈」助手踱一圈，身壯脹卜卜，毛色鮮明潤澤，落腳整齊走勢又硬淨，更重要埋門火氣冒升。

「聲勢」薛恩踱一圈，試來精神爽利，步順輕快有彈力，瘦馬身壯實淨，毛色悅目深潤，近況理想。

「量化歡騰」助手踱一圈，毛色立立令，馬身壯全身肌肉，步挺順暢力度充沛，比起上季尾贏馬更弗。

「湛江最醒」助手踱一圈，急口馬情緒安穩，全程表現專注，馬身收得靚有線條美，暗火湧現又有朝氣。

「極爽」黃皓楠踱一圈，唔急唔搶氣定神閒，馬身收得好結實，而且好乾身無汗濕，走勢又爽又俐落。

「榮彩大道」助手踱一圈，從容完成整個過程，走勢硬朗步挺開揚，馬身壯健毛色靚，正值勇境。

「銘記知心」助手踱一圈，馬仔細細但全身肌肉，毛色又靚極之悅目，神生步爽力度充足，佳態洋溢。

「開心有利」助手踱一圈，全程彈下彈下，充滿活力好生猛，毛色亮麗悅目，目光銳利，弗到漏油。