王炸重新振作

昨朝出跳的參戰馬甚多，相對在內圈操練的馬匹較少，卻不乏勇馬。

「頌聖」助手踱一圈，情緒安穩表現專注，汗濕好多更是好事，馬身一早收壯，進度極之理想。

「幸福友善」助手踱一圈，一貫有點搶口，但不算太急，比前專注情緒轉好，外觀討好皮光肉滑，持續有進。

「日日靚」助手踱一圈，神態甚輕鬆，落腳富彈力，肌肉結實，神生力足毛色靚，狀態有九成水準。

「赤馬雄風」助手踱一圈，步伐穩健力度足夠，馬身靚且有線條美，操足而臨兩試大閘，勇況已備。

「有運來」助手踱一圈，小心按實順走，馬身毛色俱吸引，運步輕爽力度亦夠，火氣保持，進步且勇。

「你知我勝」助手踱一圈，唔急唔搶，口勁收斂不少，力度增強馬身收靚，神態活躍，正值勇境。

「旅遊拿督」助手踱一圈，以輕鬆姿態完成，走勢硬朗力度唔錯，馬身夠壯夠實淨，老馬雄風猶在。

「都靈紅星」助手踱一圈，落腳整齊走勢硬淨，馬身好靚毛色潤澤，火氣亦充足，轉倉操足及鋒而試。

「王炸」助手踱一圈，輕描淡寫完成，神態自若豎起雙耳，馬身靚力度充足，兩試大閘俱佳，重新振作。

「事事亨通」助手踱一圈，出腳輕快有彈力，大馬完全唔重身，開操以來工夫雖不多，但狀態起得好。

「知道必勝」助手踱一圈，大步順走氣宇軒昂，馬身好壯好靚，神色吸引毛色潤澤，勇況十足。