樂●活｜趁夏祭抵價入貨

收咗新一輪消費券之後，大家買咗啲乜，又或者準備買啲乜呢？好幾個朋友都不約而同咁話，因為今次入袋嘅消費券只有$2,000，所以都會以入手一啲日常生活用品、或者必需品為主。

由即日至9月4日，AEONSTYLE黃埔店會舉行「夏祭」，超過60件產品以優惠價發售，而且「均一價」亦會再度回歸，最平$30「均一價」則可以可任揀3件，另有$50、$70、$100、$300及$500可任選3件。只限AEONSTYLE黃埔嘅「夏祭」優惠仲包括多款日本直送水果及海鮮，以及有「夏祭」期間限定福袋務可以搶購，以優惠價配合第二階段消費券自然買得更爽手。

今次夏日「夏祭」優惠只限AEONSTYLE黃埔，涵蓋的貨品包括其中食品、日用品、煮食用品及衣物，其中日本紀文炸粟米丸、白魚肉炸餅、淮山卷等、森永布丁（牛奶、低糖吉士及蜜瓜）等，只需$30就可擁有3件；$50必搶3件貨品包括Topvalu意粉醬、Sunroll 日本製可攜式便座墊紙（6片袋）及Nekomote浴鹽；$300任選3件就可揀卡通行動電源、MEYER 易潔單柄22cm煎鍋、獨家發售Kakao friend卡通攬枕及沙宣迷你直髮夾。

此外，由即日至8月30日（周三除外），只要於AEON STYLE 黃埔購物滿$250或以上即賞$20現金券，而且仲有限定福袋換購優惠，凡購物滿$150或以上即可以$50換購限定福袋，福袋內附6件超值商品，包括食品、玩具及床品，福袋價值超過$130。消費之外仲可以參加AEON會員限定「奪寶尋獎」遊戲，凡是AEON會員購物滿$200或以上即可自動獲贈鑽石印花1個，集齊3個印花即可獲曼秀雷敦戶外運動型防曬乳液SPF120。

如果家有小孩的話，就一定要留意即日起至8月22日嘅「一田開學祭」，多款書桌文具、護脊書包、衣物裝備等都有優惠，更有不同學習配備及益智玩具，大家可以優惠價入手KAGS人體工學超輕護脊書包、MoonRock護脊書包、Kinghealth男女童裝黑皮鞋/運動鞋、雞仔嘜Express棉質童裝內衣/內褲系列、飛利浦護眼檯燈及無線光學滑鼠等。另由即日至9月12日期間以指定付款方式單一發票購買一田現金禮券滿$1,000或百貨貨品滿$1,000，即送$110一田超市優惠券。

炎炎夏日當然唔少得冰涼嘅啤酒，麒麟一番搾啤酒推出以富士山為設計主題的全新禮品，率先帶來「麒麟一番搾 · 不鏽鋼杯」，杯身採用不鏽鋼物料，綫條簡約，型格時尚。杯蓋上印有日本富士山及象徵日本夏日的牽牛花圖案；不鏽鋼杯同時備保凍作用，隨時隨地為炎夏帶來冰凍嘅麒麟一番搾啤酒。即日至8月30日期間，凡於7-11便利店購買任何麒麟啤酒產品滿$45或以上，加$19即可換購。

作者：Laurie Wu（愛保健愛旅遊愛購物的熟女）
[email protected]