樂●活|偽旅遊(上)

2022-08-06 10:30
之前同一個唔係太鍾意去旅行嘅朋友傾開,經過2年度嘅亦疫情,就算一向無乜旅行癮都好想可以快啲開關,出外走走!既然未能外遊,唯有安排一趟偽旅遊!

泰國係其中一個港人短線遊熱點,而提起泰國除咗諗起美食、拜佛外,當然係潑水節!D2 Place由即日至8月9日會變身成「小泰國」舉辦多項精彩活動,包括水龍王祈福、許願、泰國工作坊、供僧及泰國特色市集等,當然還有重點嘅「潑水」環節,而今年除「激FUN水戰派對」,更為一眾毛孩增設「狗狗水戰派對」,狗狗們可獨享天台寵物花園,體驗刺激水戰。

「激FUN水戰派對」於明日(7日)中午12時至5時喺選址D2 Place一期地下水戰區,並劃分為成人區及兒童區,可在節拍強勁的音樂下參與激烈水戰,互相潑水送上祝福之餘,更為炎夏添一抹涼意。大會將在D2 Place二期地下提供儲物服務、流動更衣室及透明防護面罩,大家亦可帶同私家裝備一齊應戰。公眾須預先登記方能參與活動,大會只預留少量Walk-in名額,登記詳情請留意D2 Place Facebook專頁及官方網頁。狗狗們就可以喺一期天台參加「狗狗水戰派對」,場地設有數個小水池、噴水裝置及沙灘主題打卡點,可免費借用精美道具為狗狗打造夏日形象,留下與毛孩共度炎夏的難忘時光。

同場,仲有泰國特色市集及美食展,除咗六星酒店級品牌Green Cotton及 Miss Vita 泰語學校進駐,仲有特色泰國品牌攤位及多達50多個精選人氣市集攤位,包括泰國醬料、全港唯一寵物新鮮野山參專賣店、泰國品牌護膚品、手工啤酒、效果長達兩星期的「有機紋身」、泰式文青設計服裝、寵物風乾零食、寵物用品及各式手作文創小物等。巿集內設寵物打卡區,提供多款精美全人手縫製的泰國傳統寵物服飾讓公眾租借,為主子們打扮拍照;大家亦可以為自己即場度身訂造專屬的泰國傳統服飾以作留念。

此外,供僧是潑水節的傳統儀式之一,善信可以向一眾僧侶供奉花朵、水果、食物等,及合十敬禮,表達對法僧的敬奉。善信如欲參拜同場的水龍王,也可在活動期間每日中午12時至晚上8時到訪The Garage。大會專程由泰國運送佛像到港,善信可以敬佛,祛除不幸,同時祈求豐衣足食。

講起港人旅遊熱點,又點少得日本!即日起至9月4日期間葵興life@KCC會舉行日本納涼祭,場內有多個鳥取縣著名旅遊景點繪出日式七夕嘅繽紛色彩,將鳥居、神社等大家心心念念嘅日本場景搬到眼前!七夕喺華人社會係類似西方嘅情人節,喺日就係許願嘅節日,日本人會喺竹枝上掛上「笹飾」,而不同笹飾就寓意着唔同嘅願望。笹飾係用紙摺成,唔同形狀會有唔同寓意,如燈籠祈求光明,吹流祈求精巧手藝,也有可以寫上願望嘅「短冊」,祈求願望成真。場內設有七夕笹飾工作坊,大家可以自製和風小紙球,紙球上各種紋樣和圖案,寓意帶來幸福、吉祥,更可把笹飾掛在場內布置嘅竹枝上,一同誠心許願。

日本納涼祭內有多種和風祭典裝置,如納涼祭金球燈籠、米子巨大祭之中嘅萬燈巨柱、香噴噴章魚燒攤檔、獲列為鳥取縣無形民俗文化財聖神社大祭嘅木神輿巡遊、3米高巨型神社、提燈の森等,而位於空中花園Green@KCC嘅多個浪漫祭典打卡位,除掛上七夕笹飾,更有部分布置靈感來自被譽為日本最美鐵路遺跡的舊國鐵倉吉線廢線遺跡及電影《戀谷橋》取景地三朝溫泉戀谷橋,更有神社參拜台和祭典必見嘅和風太鼓台面。

life@KCC更聯乘場內商戶瓜破菓子店推出七夕期間限定瓜破卷下午茶,喺濃郁香甜嘅和栗與北海道中沢忌廉表面灑上特別手工製的和三盆,搭配鬆軟可口的蜂蜜蛋糕卷,加上和三盆薄脆咖啡與精選曲奇,一入口就能感受到濃情蜜意,在味蕾上留下屬於夏日節慶嘅美好回憶。場內多個商戶亦有各種限定餐飲商品給折扣優惠。

新加坡亦都係港人熱愛嘅短線遊目的地,香港黃金海岸就與新加坡旅遊局攜手合作於即日至8月31日舉行重新想像新加坡夏日奇趣之旅,由可愛滿分己新加坡旅遊局吉祥物小魚尾獅Merli,於黃金海岸帶領各位走訪多個新加坡人氣旅遊熱點,更可認識新加坡的故事及文化。

其中香港黃金海岸酒店就位活動準備咗夏日住宿計劃,以新加坡小魚尾獅Merli作為主題布置房間,而酒店大堂內又特設多個打卡位及尋找Merli的互動尋寶遊戲,。

小魚尾獅Merli更會現身黃金海岸商場,以4米高超巨型的充氣造型登場,又打造多個新加坡人氣打卡景點,如新加坡摩天觀景輪Singapore Flyer、濱海灣花園Gardens by the Bay、濱海灣金沙Marina Bay Sands、新加坡佛牙寺龍華院Buddha Tooth Relic Temple and Museum及濱海藝術中心Esplanade – Theatres on the Bay,大家可邊打卡邊感受獅城熱帶風情!

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

熱門文章