樂●活｜Chill住歎美食

#TGIF話咁快又到咗星期五！好多人都鍾意趁星期五約朋友去食飯傾下偈，想發掘新餐廳試吓新嘢的話，Laurie有好介紹。

地中海菜、加上坐落堅尼地城海旁，夠晒Chill。新開張嘅Breeze Bistro主打正宗地道來自地中海周邊嘅美饌佳釀。唔單止嘢食家派人，餐廳帶唯美藍白主調嘅設計，如果喺陽光明媚嘅日子更會將兩邊趟門拉開，讓帶同寵物前來嘅食客可以坐近靠門邊開揚位置，與毛孩一齊歎住Chill。餐廳其中一邊為開放式酒吧區，設有高腳椅並提供多款特色酒精飲品及佐酒小食，最啱同朋友、同事把酒言歡。

Breeze Bistro嘅主廚Chris Gill曾先後喺多間法國高級料理餐廳及地道餐館任職，並將多年來的烹飪經驗帶到餐廳，設計出色彩豐沛且別具特色嘅地中海風味餐目，由前菜、主菜、配菜及佐酒小食，以配搭各款紅、白酒及手工雞尾酒。此外，主廚及其廚師團隊亦會根據當日時令食材準備及製作多款是日精選菜式，包括新鮮生蠔、香烤牛舌配牛骨髓、野菌牛肉意大利雲吞、冷天使麵伴黑松露及昆布、南瓜意大利燴飯佐蘆筍等。

除咗嘢食，餐廳嘅酒單相當豐富，由手工雞尾酒、啤酒、烈酒，以至各款紅、白酒等應有盡有 ，鍾意嚐新的話可一試餐廳嘅特色雞尾酒或無酒精雞尾酒，好似Twilight Collins、Ocean Breeze等，仲有經典特調酒如Sour Plum Negroni、Old Fashioning等，仲可以配以佐酒小食如脆炸小鯡魚、炸帕德龍辣椒及巴馬臣芝士炸意大利青瓜條等。Breeze Bistro同時推出Golden Hour優惠，凡於星期一至日下午5時至晚上7時期間惠顧，即可以優惠價$50品嚐精選雞尾酒；或於同一時段享有原枝紅、白酒的買一送一優惠。

另一間好適合約埋朋友一齊去嘅餐廳就係位於中環H Code26樓連天台嘅CARBON酒吧餐廳，以簡約水泥工業風設計，主打從農場到餐桌理念的fusion菜式，仲有現場樂隊DJ表演。

最近餐廳換咗新Menu，帶來CARBON SUMMER FEAST清新夏日盛宴，包括新鮮清涼嘅夏日海鮮匯演、日本M6谷飼和牛里脊、安格斯斧頭扒，仲有龍蝦芝士通心粉。CARBON仲會喺7、8月推出仲夏優惠，包括環球特選牛扒星期四（環球特選牛扒配以無限供應的鮮味松露薯條及龍蝦芝士通粉，加上CARBON聯同著名的Cookie DPT製作出充滿罪惡感的曲奇新地作甜品）、西班牙狂熱星期二（西班牙水果紅白酒每渣$498或每杯$118；水煙半價優惠，另有重量級香檳買一送一優惠）、All Day Happy Hour夏日Happy Hour（每日中午12時至晚上7時供應，逢星期三全日供應，可以優惠價$58享用指定烈酒、啤酒、紅白酒及特調雞尾酒）。

另外，仲有Tasting Menu美饌套餐：午膳之選（三道菜式）以及豐盛晚宴（四道菜式），推廣期由即日至8月31日。

最近Smile Yogurt就同護膚品牌KORRES更與Smile Yogurt推出希臘乳酪美肌杯，更於沙田新開嘅全新概念店Smile Froyo & Cake舉行希臘主題限定體驗，大家除咗可以食到希臘乳酪美肌杯，更有機會體驗KORRES希臘乳酪護膚產品系列升級版。今次嘅希臘夏日美肌乳酪杯係升級版，以希臘乳酪雪糕配上天然蝶豆花果凍併湊成藍白主調，營造希臘小島風情，再加上Smile自家製脆粒宛如粒粒金黃細沙，菠蘿乾片就係太陽，真有由藍白朱古力片所組成的海洋，呈現希臘陽光與海灘嘅感覺，仲有啖啖新鮮芒果，以及貝殼棉花糖，冰涼透心又有絲絲甜蜜。

呢款期間限定嘅乳酪只供應至9月30日，並只於沙田店、銅鑼灣希慎廣場店及尖沙咀K11 Art店提供。喺優惠期內，購買希臘夏日美肌乳酪杯，即送價值高達$300嘅 KORRES乳酪益菌系列產品，包括潔面乳、即效舒緩面膜、滋養保濕面霜及即效舒緩精華。另外，凡於KORRES購買乳酪系列產品滿$500，就會送Smile Yogurt希臘夏日美肌乳酪杯及KORRES試用裝。

作者：Laurie Wu（愛保健愛旅遊愛購物的熟女）
[email protected]