樂●活｜「放電」去邊好？

朋友話每個星期要諗節目畀小朋友「放電」好傷腦筋，Laurie即刻介紹咗幾個活動畀佢參考。

帶小朋友去戲院相信係炎炎夏日好選擇，第6屆香港兒童國際電影節（KIFF）將於8月6、7、13及14日在高先電影院及PREMIERE ELEMENTS戲院舉行，而門票已經喺高先電影院（按此）及PREMIERE ELEMENTS（按此）票房7月22日起公開發售。

今年的開幕電影係加拿大/法國動畫《烈火少女》，廣東話版本邀得森美、梁雍婷和岑珈其聲演；閉幕電影就係香港作品《留聲》，由欣欣執導，黃梓樂、陳宇琛、蔣祖曼、鮑起靜及羅莃荋主演，電影榮獲2022年法國康城世界影展的最佳家庭/兒童電影、最佳年輕男演員及最佳長片女導演獎；2022年美國加州KIDS家庭電影節最佳亞洲電影等多個獎項。另外兩部電影還有榮獲2022年德國電影獎頒發觀眾大獎的德國/奧地利電影《魔法動物學院》，以及榮獲2020年法國安錫國際動畫影展、2021年法國凱薩獎及2021年法國盧米埃獎三項最佳動畫提名的法國/比利時動畫《小小吸血鬼》。

除咗睇戲之外，KIFF仲安排咗「電影院小職員」工作坊畀小朋友參加，喺專人指導下小朋友會有1個鐘頭時間喺戲院入面擔當不同崗位，更有機會深入「戲院重地」，當中包括帶位初體驗及放映室直擊。（官網報名）

熱焫焫嘅夏天，想玩又唔想熱的話，其中一個好選擇當然係去溜冰！與過去一樣又一城歡天雪地溜冰學校都會舉辦歡天雪地夏令營（按此），喺溜冰場上既可消暑之餘，又可培養對溜冰嘅興趣。溜冰不但能夠增強平衡感、四肢協調能力及身體嘅柔韌性，還可提升心肺功能及運動能力，喺學習溜冰嘅過程更可訓練耐性。

夏令營為3至16歲的溜冰初學者度身訂造嘅暑期溜冰計劃課程，每班4人或以上，由專業敎練教授溜冰嘅基本技巧、平衡、正確跌倒及起立方法、原地踏步及向前踏步等，可以喺安全又輕鬆的環境下打好溜冰嘅基礎，完成夏令營課程後，可獲頒授花式溜冰課程證書，充實小朋友嘅課外活動履歷。

最近睇Youtube大家都可能會睇過LEGO夥李元元Lucy首本沐浴名曲DUPLO Bath Song，Lucy以純真笑容加上搞笑基因、獨特奶音加上招牌叫喊式唱法唱出「Rinse, Soap, Let me try」真係好洗腦歌，仲好治癒。LEGO更由即日起至8月7日喺PMQ打造首個以DUPLO Summer Time Festival，見到由五彩繽紛DUPLO顆粒拼砌而成嘅DUPLO泡泡沐浴世界及DUPLO野生動物歷險，小朋友一定好開心。

其中泡泡沐浴世界內有小鴨、小白熊和小河馬見面，小朋友更可化身紅鸛及獅子扮演一日DUPLO小動物，場內更有大型泡泡樂園最啱放電。DUPLO顆粒中發揮其天馬行空嘅想像力，會場設即拼砌區及泡泡製作室，畀小朋友們可以從玩樂嘅氣氛學習。小朋友們可以喺經典嘅滑梯一嚐超爽刺激滋味，創出自己與野生動物嘅歷險故事；又可以喺世界地圖前利用每雙小手拼砌嘅過程中，衍生對身邊事物及世界嘅好奇心和認知，盡情探索。LEGO更準備多款獨家別注版禮品供參與嘅粉絲換領，玩樂過後將LEGO DUPLO帶返屋企。

男團、女團大熱，有無諗過仔女可以成為人氣BB團嘅團員之一呢？美贊臣A+智睿系列正舉辦「A+B團」招募活動，由A+星級經理人肥仔（梁業）帶領、A+製作人Gareth.T（湯令山）護航，選出具有不同特質嘅精靈寶寶組成美贊臣「A+B團」，獲選寶寶嘅參賽片段將會在「A+B團」團歌MV中亮相，於網上多個平台播出，更有機會於大型戶外廣告上「粉墨登場」。

有興趣參加嘅父母可透過美贊臣全新推出嘅Instagram濾鏡（按此），讓年齡介乎6個月至12歲嘅小朋友跟隨肥仔嘅舞步一同演繹由Gareth.T親自製作嘅「A+B團」團歌盡情發揮、表現自我。即日起至8月12日期間以「A＋B團」Instagram濾鏡拍攝小朋友跳舞片段，儲存表演片段，並上傳至報名連結（按此）參加招募。

作者：Laurie Wu（愛保健愛旅遊愛購物的熟女）

[email protected]