乐●活｜酒店户外叹正宗拿坡里薄饼

早几日跟一位锺意周围试新式店嘅朋友去咗首间酒店户外意式薄饼餐厅，唔单止好食，而且环境仲好写意舒服！呢间位于香港美利酒店内嘅Cotton Tree Terrace，坐拥露天开扬嘅寛敞空间，系城中首家酒店户外意式薄饼餐厅。Cotton Tree Pizzeria 薄饼店以酒店标志性的拱门作衬托，周围环绕着青葱树景，可以一边悠闲地享受阳光与新鲜空气，一边品尝意大利地道风味美食。

Cotton Tree Pizzeria嘅薄饼选择好多，由经典口味至独特趣意的食材配搭都有，而且每份即制嘅薄饼d经意大利烤炉新鲜出炉，带来批边充满空气感，焗至酥脆带焦香，饼皮中心薄而柔软嘅正宗拿坡里风格薄饼。至于薄饼馅料系用上多款顶级食材，而且大部分都系由意大利新鲜空运到港，配搭番茄酱、水牛芝士（Mozzarella）及巴马臣芝士（Parmigiano）等经典配料。

当日因为得两个人，所以就选择咗薄饼发源地拿坡里城嘅招牌 Napolitana，用咗来自地中海以鲜美多肉闻名嘅鯷鱼、塔贾斯卡（Taggiasca）橄榄、奥勒冈及橄榄油制成，当中嘅番茄酱中和了咸香味浓的鯷鱼，带来美妙的平衡。

其中Menu上有几款Pizza都好想试，好似 Mallorca ，即在薄饼涂上西班牙巴利阿里群岛特产嘅Sobrasada猪肉香肠酱，以红椒粉及多款香料腌制而成，配搭山羊芝士及火箭菜，香口而惹味。仲有用上正宗意大利新鲜猪肉香肠和油脂丰富嘅风乾猪面颊肉（Guanciale）作配料，并以迷迭香作点缀嘅Salsiccia。菜单上仲有唔少经典意式薄饼口味，包括简单美味的 Margherita、Parma、Quattro Formaggi等。

除咗意式薄饼，当日仲叫咗几款好吸引嘅其前菜，推介大家一定要试Burrata 水牛芝士沙律，以及蘸上甜辣酱汁再炸至金黄酥脆的蜜糖蒜香脆鸡。

餐厅仲准备咗意大利美酒配搭佳肴，升华用餐体验，推介包括 Aperol Spritz 鸡尾酒、Amaro Montenegro 利口酒及 Negroni 鸡尾酒等，仲有由餐厅自家制作、不可不试深受意大利人喜爱的柠檬酒 （Limoncello），香甜浓郁，风味十足。

除了堂食即席品尝，餐厅亦有提供外卖自取及 Drive-through 自驾免下车取餐，方便大家可以Take Away各款美食。

作者：Laurie Wu（爱保健爱旅游爱购物的熟女）

 

[email protected]