阿碌開咪|跑馬.香港鎮靜劑

2022-03-05 09:15

近日香港市民有幾躁動,相信唔使小弟形容,個個皆知。每日打開手機,就似有火噴出咁款,瘋狂發泄,鬧到政府飛起。

都好,起碼有渠道將負面情緒排放,好過全人類谷埋,變「社會核彈」。

昨早一位前馬會高層來短訊:「碌Sir,有機會講下香港賽馬的社會功能啦,尤其呢段日子,極之重要,愈多人理解愈好。」

一直以來,不少非馬迷皆認為跑馬就是賭博,對唔對?對一半。不過,研究深一點,自領略賽馬事業在香港,層次遠遠比單單賭博高。

首先,賽馬本身已是一門深奧學問。上至整個馬會組織,下至每場馬的安排,絕對似一所大學不同學系的學術性分工。

單講出賽馬,由血統到訓練,再到出賽前的餵料、試閘、拍跳,決定用邊類騎師,陣上的步速、走位、留放、發力點……全都要精準拿揑,才可得到一場頭馬,絕不簡單。

今日小弟更想講講,賽馬在香港的「社會功能」。一般人只知可以籌到大量稅款、善款及提供就業機會,惠及馬經出版業等等。

其實賽馬在香港最重要角色,是在非常時期,提供「鎮靜劑」給近百萬人,減低躁動不安及對政府的不滿。

香港由上世紀八十年代開始,曾經是「示威之都」。有幾個高潮日子,例如一九八九年六月前後、二○○三年沙士時期,再到二○一四年佔中打後幾年,不少星期日皆有大型遊行,震撼的,數以百萬計人湧上街。而示威日子主要在星期日,頻頻撞正賽馬,結果大大減少湧上街的人數。

如今冇得上街了,但社會躁動如常。幸而疫情氾濫下,仍能馬照跑,立時令百萬馬迷每周兩次安靜留家,暫且將對政府的不滿情緒靠邊站。否則,任由怨氣高度積聚,必現危機。以上應是社會心理學家研究的層次。

明天第一班泥地賽,搞鬼笑,只得六隻報名,當中並冇任何一匹具壓倒性冠軍相。咁啦,一於飛起最冷一隻,其他五隻二重彩複式串勻可也。

曾智華

阿碌開咪

關鍵字

最新回應

關鍵字
You are currently at: std.stheadline.com
Skip This Ads
close ad
close ad