樂●活｜香薰‧蠟燭趕走憂鬱緊張

每日睇到數以萬宗嘅確診個案，身邊又有唔少朋友陸續「中招」，壓力倍增。因為疫情關係，多咗時間留喺屋企，當然想營造一個更舒適、放鬆嘅環境。

點起香薰或香薰蠟燭就成為Laurie近日嘅指定動作，當燭光輕輕搖曳，感受香氣緩緩散發全屋，絲絲自然香氣飄進每一角，為家中增添一股馥郁香氛之餘，更可以趕走憂鬱。

之前喺Art Piece入手咗源自澳洲嘅香薰品牌CIRCA，每款香薰蠟燭都用上大豆混合蠟和無鉛棉芯原材料，而藤條香薰系列就選取天然香氛精油，搭配全天然蘆葦藤條，再配合天然香調精油精心制作而成，為不同空間增添餘韻悠長嘅香氣。一向注重環保嘅CIRCA嘅玻璃容器，不僅外形設計時尚簡約，更可重複使用和回收。Laurie之前就入手咗清新嘅海鹽及香草香薰蠟燭，前調帶有海鹽，海洋香調；中調就有茉莉、油桃；後調就係香草及漂流木。琥珀檀香藤條香薰嘅香氣亦十分吸引，前調有香橙、玉蘭；中調就係琥珀、鳶尾花及香豆。

另一款幾值得介紹嘅就係無液體擴香，利用先進嘅無液體擴香器設計，每一根擴香棒都注入純香薰精油，將其放置在平面上，遠離窗口或通風口，有效緩釋沈醉芳香，另外亦可根據個人喜好，隨心搭配出屬於自己香調，每30天更換一次擴香，可增強或更新香味，其中海洋之歌擴香棒，前調係橘子、西瓜酮、薰衣草、佛手柑；中調係風信子、山谷百合；後調就有廣藿香、檀香木。而茉莉玉蘭擴香棒前調就係三葉草、佛手柑；中調係茉莉、依蘭香、百合、緬梔花；後調就伙甜麝香。

另一款可以喺Art Piece搵到嘅就係澳洲香氛品牌GLASSHOUSE FRAGRANCES。品蜂嘅城市香氛系列以城市命名香氛，並賦予每座城市獨一無二的專屬香氣，以嗅覺喚醒大腦中對地點的美好記憶，最啱鍾愛旅行嘅朋友。其中GLASSHOUSE FRAGRANCES藤條香薰一千零一夜前調有藏紅花、乳香；中調為白玫瑰、茉莉；後調就有沉香木、檀香木、琥珀。藤條香薰選用最高品質的香精、酒精以及純水，並配以最優質的藤條讓香薰均勻揮發，且香氣馥郁持久。定期翻轉藤條更可確保香氣揮發均勻，帶來最佳香氛體驗。

至於GLASSHOUSE FRAGRANCES蠟燭里約一夜嘅前調就有百香果、青檸；中調有 覆盆子、橙子；後調就係玫瑰、甜瓜。新配方三倍馥香大豆蠟燭，選用由全球最頂級的蠟燭專家特意為GLASSHOUSE FRAGRANCES研發嘅專利大豆混合蠟，薈萃珍貴香料結合天然無鉛棉芯，以三重香味分層感受微妙香氣，帶來純淨而濃郁的香氛蠟燭體驗。全新蠟燭玻璃容器儼如高雅精品，採用流線型外觀設計，瓶身以絲網印刷技術印上品牌標誌，配搭嶄新優雅瓶蓋及觸感柔軟的奢華金箔包裝盒，典雅之餘更富現代感。當蠟燭燃盡後，餘下的玻璃瓶身亦可作為裝點家居嘅藝術品。

作者：Laurie Wu（愛保健愛旅遊愛購物的熟女）

 

[email protected]