樂●活｜盆菜饕宴

收緊防疫措施下，全港食肆由今日起於晚上6時後禁止堂食，農曆新年能否外出團年聚餐仍是未知之數，訂寓意新一年盆滿砵滿的盆菜回家與家人朋友團年相信會是不少人的選擇。

想食得既特別又矜貴嘅盆菜的話，上三兩嘅兩款「黃金滿屋」盆菜一樣可以滿足嘴尖嘅大家！供10位用嘅毛蟹蟹粉花膠鮑魚盆菜用上足20隻膏黃肉鮮的大閘蟹，而每個蟹蓋均釀上薈萃2隻大閘蟹精華嘅雙倍黃金比例蟹粉，豐潤濃郁蟹粉入口即化，鮮美馥郁嘅蟹肉加上蟹膏，實行滋味倍增，而且仲有原隻上盆嘅頂級日本北海道毛蟹，伴以10頭韓國鮮鮑魚、頂級西班牙黑毛豬手工叉燒、原隻紐西蘭鱈魚膠等矜貴食材，夠晒奢華！如果係小型家庭聚會，就可選擇包括12隻肥美大閘蟹，蟹粉花膠鮑魚盆菜，可供6人享用。兩款盆菜都包羅多款吉祥寓意好意頭的經典食材，包括象徵「橫財就手」的南乳豬手、「發財好市」的髮菜蠔豉，以及北海道元貝、蠔汁扣鵝掌、新鮮虎蝦、農家鮮雞、明爐燒鵝及蠔皇炆冬菇。隨盆菜附送能豐富味道層次的上三兩秘製招牌醬汁，醬汁帶來鹹香後勁，為蟹肉提鮮，令盆菜嘅滋味可以再昇華。預訂兩款盆菜更可以優惠價$650加配原隻日本北海道毛蟹；或以優惠價$108加配40克蟹粉。

至於香港天際萬豪酒店萬豪中菜廳就有用料講究豐盛嘅萬豪盆菜，以傳統粵菜手法烹調多種特選食材，包括紅燒原隻澳洲鮑魚及花菇、鮑汁扣花膠、秘製香妃雞、宮庭醬烤骨、椒鹽海蝦、白滷肘子、上湯大根魚球和日本瑤柱伴海苔，安在家中也能品嚐酒店珍味佳餚，仲有4位、6位及12位分量可供選擇，如果係送往東涌地區更可以享免費送遞。除賀年盆菜外，萬豪中菜廳更有生炒糯米飯和餐廳招牌萬豪脆皮雞可外帶回家品嚐。

如果想搵啲性價比嘅盆菜，可以留意大家樂由即日起至1月11日一連5天推出嘅新春團年盆菜快閃優惠，可於網上平台及門市訂購鮑魚瑤柱福袋盆菜，盆菜選用極品蠔皇扣鮑魚（10隻）、原粒日本宗谷瑤柱（10粒）、黃金福袋（10個）、茄汁中蝦（10隻）、蠔豉、玫瑰豉油雞、燒鴨、南乳炆腩仔、沙爹魷魚等逾20款優質上乘食材。

香港萬麗海景酒店滿福樓嘅吉祥賀年盆菜，就以一系列矜貴滋補的上乘食材入饌，如25頭花膠、原隻鮑魚、原粒瑤柱脯、海蔘、北菇、蠔豉、蝦球、燒鵝、髮菜、貴妃雞、鵝掌及「福」字蘿蔔等，由即日起至1月28日於萬麗網上商店購買可享特別優惠。

 作者：Laurie Wu（愛保健愛旅遊愛購物的熟女）

[email protected]