樂●活｜趣怪萬聖節市集

萬聖節鬼影幢幢，就連市集都有着濃濃的節日玩味！

萬聖節嘅布置唔一定係驚嚇、恐怖、趣怪又可愛一樣都得！翩滙坊正舉行的HALLO  親子寵物生活市集，就設置了巨型哈佬喂南瓜打卡Check Point，內有滿布蜘蛛與蝙蝠的小木屋、一個個刻上怪誕鬼臉的南瓜，大家可以走入巨型南瓜的大口內拍照，實行與南瓜一齊笑到「見牙唔見眼」！呢個一連兩個星期六、日（10月30－31日及11月6－7日）舉行的市集，係可以帶埋毛孩一齊逛，場內集合逾10個本地手作達人品牌，由人氣寵物產品以至小朋友至愛禮品，包括有機健康寵物食品、天然手工護膚品、本地DIY飾物，以及期間限定的萬聖節主題精品等，包羅萬有除

翩滙坊更首次聯乘非牟利動物團體浪浪村舉辦翩滙坊 x 浪浪村領養日，希望帶給流浪毛孩一個家，「浪浪村」的義工會即場分享飼養心得及解答領養疑問，大家亦可以與各「浪浪大使」直接交流，親親可愛毛孩，進一步了解與牠們的相處之道。

另外，D2 Place ONE亦會於10月30至31日舉行G.O. Market Halloween市集，市集已安排專人為大家化Halloween妝，加上現場特色擺設，可以影返張Halloween特色自拍照留念，市集仲有唔同種類商品選購！

至於鄰近的D2 Place TWO就會舉行以玩具為主題的同樂手藝販賣日，市集會有一系列遊戲玩具、收藏同手工藝品，同場更有唔同專營同類型產品嘅本地企業㗎，睇玩具之餘，仲可以支持埋本地企業。

如果唔想行市集，想做下運動的話，可以留意只於今明兩日（10月30-31日）在奧海城二期商場中庭 舉行的恒生乒乓球學院．全民乒乓嘉年華。一班香港乒乓球代表隊，好似杜凱琹、蘇慧音、李皓晴、黃鎮廷等將會大家近距離見面、互動和玩遊戲，更會即席參與一場別開生面的表演賽，現場更設有多個以乒乓為主的遊戲、打卡專區、展覽及運動員樂隊表現。

作者：Laurie Wu（愛保健愛旅遊愛購物的熟女）

[email protected]