【樂●活】閒逛戶外市集 忘卻繁囂療癒

經歷完連續幾日嘅黑雨，終於等到陽光燦爛的周末，點可以唔出去行下！

今日就約咗朋友encore去多次東薈城名店倉的大型戶外市集「出走市集 自然森活」，之前早兩個星期已經去過一次，但同行朋友當時因為十五、十六無買到手工藝品、香薰，於是決定趁住最後兩日（市集至7月4日）睇下可唔可以買返心頭好！

戶外市集有超過 40個本地原創品牌和小店，以「潮藝森活」及「自然森活」為主題設置攤位，帶來一系列具本土特色的文創商品、有機健康食品、手作糖果和精緻手作飾品。其中不容錯過的便是一系列以大嶼山名物為設計概念的主題精品，包括大澳蝦醬、纜車及大佛等；亦有來自大嶼山社企機構，例如大澳非茂里TAIOFEIMAOLI、離島婦聯OIWA，以及社企及非政府組織，例如鄰舍輔導會香港盲人輔導會轄下的「盲人工廠」等，爲是次市集特別精心打造的手作精品。

鍾意在家點香薰、蠟燭的話，推介大家要去以實物為題製作全天然手製香薰蠟燭的Aurora Candle Workshop，實行以可愛玩味造型搭配甜蜜香氣，而Simplicity就有如同藝術品般的極簡擴香石，正好用作為夏季點綴與佈置居家環境，為生活注入寧靜之美。

至於鍾情手作衣飾的就唔好錯過COLE COOL和再續衣櫥ReWardrobe ，前者係由設計師 Cole Chung 於 2016 年創立，致力將藝術和自然透過前衛而線條俐落分明的設計融入現代時尚，表達鼓勵大家去體驗和感受生活，尋找真我的訊息。至於再續衣櫥ReWardrobe 

就係本地upcycle小眾時裝品牌，運用修復和再造及加工技巧巧妙更新衣料，推動香港時尚產業永續性，帶出環保與時尚可並存，美感與新舊無關的觀念。唔可以錯過的仲有Isa-Bella-C 以人手一針一線細膩巧思鉤織及手染出充滿溫度的編織包，用來配搭飄逸連身裙就最夾，絕對是夏季的百搭必備單品！

至於好似Laurie咁鍾意買嘢食的話，當然有好介紹啦！好似由年青人所創立的新創企業NEBU，就有獨特口味且富香港特色的手工糖果及無糖甜品，雪花酥、鳥結糖都係必買，最緊要係全線糖果每日香港新鮮製造，可以放心食用。想喺繁忙、乏味的生活和工作需要一點甜的話，就可以買定Alldough的減壓曲奇，外脆內流的口感絕對令人一試難忘為大家生活帶來一點小確幸。有時候做到攰攰地都想食啲酸酸甜甜嘅零食醒醒神，記得去搜羅世界各地的優質檸檬健康商品Hei Lemon，所售賣的心形檸檬糖漿和心形檸檬蜜糖，可以為炎炎夏日帶來酸爽滋味！

 

除咗Shopping，記得唔好錯過場內的巨型木系擴音藝術裝置，三個裝置分別設於場内不同角落，營造一步一風景的樂趣外，仲可以讓大家喺每個角落都聽到大自然療癒的聲音。三組森林藝術裝置分別以巨型仙人掌、蘑菇和蒲公英為設計主題，每組均配上一個約兩米高的木製擴音喇叭，糅合視覺藝術及感官體驗。走進木製喇叭，閉上雙眼瞬間即可「靈聽」森林專屬的寫意恬靜，讓自然的韻律令心靈得到淨化，暫時忘卻都市繁囂。別忘了在社交平台與摯愛好友分享你的療癒時刻！

作者：Laurie Wu（愛保健愛旅遊愛購物的熟女）
[email protected]