回應紅館騷腰斬勁蝕：問錯人 粉絲霸位惹投訴 Stanley籲理性追星

MIRROR成員邱士縉（Stanley）與談善言昨為電台拍劇，演情侶大吵場面。提到MIRROR前年7月紅館演唱會因事故致腰斬導致損失9000萬，Stanley表示不清楚數字，至於公司是否叫他們努力追數，Stanley即說：「追我9000萬？呢個數我幾努力都唔易達到，問錯人，唔係問我，應該問最勁嗰啲！（問姜濤？）係呀，問姜濤，掉個波俾佢。」Stanley坦言得知數字有被嚇到，又笑說：「唔怪得魯生（魯庭暉）咁多白頭髮！」
另外，有人投訴MIRROR粉絲得知下月商台在昂坪舉行叱咤樂壇流行榜記者會，旋即用物品在場霸位兼自行劃分區域，不理其他粉絲感受，Stanley昨表示，一直呼籲要尊重所有人，「之前商台門口，都有討論過，我覺得盡量尊重其他人，但有幾多人聽，我哋都控制唔到。我哋每個都會叫大家理性追星。」