阿嬌率觀眾為阿Sa提早慶生

Twins前晚在佛山完成第13場內地巡迴演唱會，加上年頭14場紅館騷，破紀錄唱到27場！當晚鍾欣潼（阿嬌）給蔡卓妍（阿Sa）驚喜，率全場觀眾舉生日牌為阿Sa提早慶生，阿Sa順道賀爸爸和愛貓生日。

前晚最後一場Twins內地演唱會，歌迷特別不捨及瘋狂，從第一首歌開始便站起來又跳又唱，直到散場也不肯坐低，有歌迷穿古裝或睡衣進場，亦有人扮小丑爆炸頭，氣氛熱鬧。阿嬌在第一部分見到歌迷熱情已被感動到眼濕濕，完場時，兩人也忍不住淚水，大合唱《風箏與風》被感動得不斷抹淚。
擬組團去羚羊峽谷
當晚阿嬌更給阿Sa驚喜，印好全場「蔡卓妍生日快樂」橫幅，請萬多名觀眾高舉生日牌高唱中文版生日歌，阿Sa感動表示：「嘩，咁早慶祝生日……好感動，我爸爸同埋我隻貓都係10月23號生日，大家不如送個祝福畀佢哋啦。」
內地巡唱完結後，Twins下月將展開十多場外地巡唱，到倫敦、溫哥華、多倫多及拉斯維加斯等地，阿Sa透露已特別訂製Twins專屬行李帶給每個工作人員，非常期待去加拿大尼亞加拉大瀑布。巡唱到加拿大時是阿Sa生日，當地朋友已準備為她慶祝。冬天加拿大特別凍，兩人坦言怕凍，最厚的羽絨外套都會帶去，阿嬌最希望去羚羊峽谷，阿Sa忽發奇想表示，「不如搞個團，畀歌迷一齊報名，一齊去睇演唱會，一齊去參觀景點，反正我哋中間會留喺到玩，咪一齊囉，哈哈！」
與英國歌迷過聖誕
問到巡唱到英國會否約填詞人Wyman見面？阿Sa笑道：「佢對《多謝失禁》及《愛情當入土》好有興趣，哈哈！見面一定同佢度吓。」阿嬌表示第一次在英國過聖誕節，所以演唱會上會諗諗是否有聖誕特別版演出，她們也會想想如何以聖誕妝扮現身，「海外場冇現時咁大，同觀眾距離好近，應該會更加開心，或者可以叫佢哋再扮番Twins造型入場，或者扮聖誕樹，我哋可以揀最佳衣着，着得勁嗰個一樣有大獎。」阿Sa開心和應，希望到時可以跟英國歌迷歡度快樂聖誕。