洪卓立江門開騷憂票房 封塵歌變求婚神曲

洪卓立（Ken）日前舉行《The Other Planet 另一個星球》巡迴音樂會江門站，Ken坦言未去過江門巡唱，未知當地人是否認識他，故擔心票房，結果開售2800個座位座無虛席。Ken表示每一場都有自己想表達的訊息，這次想表達「告別娑婆」，他將過去3、4年來的想法透過歌曲展現，加上親手寫下文案，放在畫面跟觀眾分享，核心思想就是希望大家不要放棄。對於作為歌手，除了娛樂觀眾，他自覺有責任帶出某些訊息，「例如係珍惜、例如唔好令自己後悔、例如堅持。」
演唱會尾聲，Ken預告下一站到佛山，唱最後一首歌《目前》前，他表示出乎意料地不知道原來大家十分喜歡這首歌，「因為首歌係好耐之前，後尾我先至知道原來有啲朋友係攞呢隻歌嚟求婚。之前我去咗電台做訪問，DJ喺咪後同我講，『我老公都係用呢隻歌同我求婚㗎，如果佢唔係用呢隻歌，佢求婚唔成功㖭呀！」全場爆笑。Ken笑言「好驚」，「不過我覺得我喺呢個樂壇都有少少嘅貢獻，當大家去求婚，各位男士如果求婚嘅話，可以考慮吓用呢隻歌。」