約姜濤AL巴黎飯敘 Wyman爭埋單失敗

MIRROR成員姜濤和盧瀚霆（Anson Lo）近日到巴黎出席時裝周，兩人在社交網分享睇騷點滴，又貼出多張靚相，包括與填詞人好友黃偉文（Wyman）一齊睇騷及開心飯敘，美味海鮮放滿整張枱，大快朵頤。Wyman亦有分享照片，留言笑道：「上次3月倫敦茶敘已經開始夾時間6月巴黎食飯。結果又食到又食唔到又食到又食唔到反覆咗幾次，本身已經放棄咗，終於喺兩日前又突然『撈』得番（海底撈月個撈），大家犧牲瞓覺時間喺 Paris 10點先開飯食到過咗半夜……」Wyman又自爆負責訂餐廳、原本打算請客，點菜時亂叫一通，結果臨尾有人偷偷埋單，笑言不習慣年紀細過他的人請食飯。